الرجاله عاوزه تتعامل كده

عارفة ان اللى هاقوله هايكون مقبول من البعض ان ممكن تحاول الزوجة تعمله او تتعلم تعمله وهايكون مرفوض من البعض الاخر و مفيش واحدة ممكن يكون عندها صبر تعمله لان الست برضه طاقه فالاول لازم تعرف الزوجه مواصفات الرجاله وهي كالاتي:-

1. رجل داخله طفل صغير وفي بعض الاحيان بيبي وطبعا الطفل ده عايز دلع و حنيه وطول بال وصبر لانه زي اي طفل عايزمعامله خاصه
2. مارد جبار جواه قوه و عنف و عند و لسان سليط وسيطره( و احيانا تحكم)
3. غائب عن الوعي (خصوصا عند طلباتك ) .

علشان كده عايزه معامله خاصه جدا تتلخص في الاتي:-

1. قابليه عند باب الشقه بابتسامه حتي لوكنتي في اشد الضيق منه
2. جهزي كل طلباته من لبس و اكل وشرب قبل ما يطلب
3. حاولي تقعدي معاه اطول فتره ممكنه في فتره وجوده في البيت
4. مش تتخانقي معاه علي خروجه وتاخيره
5. حاولي من فتره لاخري تغيرى او تضيفي شئ في البيت يعني تجددي حتي لو هاتغيري مكان تربيزة او فازة
6. اسكتي وقت عصبيته و عاتبيه وقق هدوءه ساعتها هاتخدي حقك
7. حاسبيه بالنظرات افضل ماتتكلمي و تغلطى
8. راقبي تصرفاته من غير مايحس
9. حذاري يحس منك انك فاهمه في شئ احسن منه
10. بدلي كلمه غلط في قاموس كلماتك بكلمه مش صح
11. واخر حاجه دايما في سجودك ادعي ربنا ( اللهم اهدي لي زوجي و اهديني له و اجعلنا قره اعين بعض امين