طبعا كل بنت بتحلم باليوم اللي تكون فيه ام.لكن للاسف كتير منهم لما يحققو الحلم ده بيكونو مش قد المسئوليه
ازاي؟؟
هقولكم
فيه امهات بتهتم بتحقيق ذاتها وطموحها في العمل او الدراسه علي حساب طفلها وغالبا بيكون رضيع
طيب وبتسيبه فين؟؟
اللي بيحصل انها بتسيبه اما عند والدتها او عند جارتها مثلا, ده كمان فيه امهات مش بتشوف اولادها بالايام لان طبعا المدام بتشتغل وبتخرج من الشغل علي كورسات مثلا او محاضرات الدراسات العليا ومش بتكون فاضيه تجيب طفلها من عند والدتها.
الله يكون في عونها
وفيه ام بتسيب طفلها اللي عنده 5 شهور في حضانه وتروح الشغل
ده ينفع؟؟
ازاي ام تستامن ايد غير ايديها تشيل طفلها اللي في السن ده وتضمن اهتمامها؟؟
علي فكره السن الصغير ده هو السن اللي بيشعر فيه الطفل بحنان ورعايه امه, اللي بيحصل بقي في الحاله ده ان الطفل بيحش بده من واحده غير امه, وطبعا منستغربش لما يكبر يقول لجدته او خالته يا ماما في حين ينادي امه باسمها وميستوعبش انها امه الحقيقيه الا متاخر
اوك .. الطفل دلوقتي كبر ومابقاش طفل, ببساطه احب اقولكم الطفل ده هيكون مصيره ايه؟؟
اولا: هيكون مهمل وعنده لا مبالاه تجاه كل شيء لانه حس باهمال اللي حواليه وخصوصا امه
ثانيا: لان امه مش حسسته بحنانها وعطفها وهو صغير مستحيل يحسسها بحنانه وعطفه لما يكبر
ثالثا: مين اللي بيقوم بدور التربيه وزرع القيم والمباديء لدي الابن او الابنه؟؟
طبعا الام
ولما تغيب الام بقي؟؟؟؟؟؟؟
كده الام ده مش قدمت للمجتمع غير شخص مهمل لا يتحمل اي مسئوليه متخبط وتايه مش عارف طريقه
وفيييييييييين الاب؟؟
وازاي ساب المشكله ده تكبر لهذا الحد؟؟
وليه محصلش تفاهم واتفاق قبل الزواج علي دور كل منهما في حياه اطفاله للوصول بيهم لبر الامان؟؟
علي فكره يا جماعه انا مجبتش الكلام ده من عندي النماذج ده موجوده فعلا وانا قابلت منهم كتير من خلال عملي كمدرسه
وصلت لدرجه ان واحده منهم قالت لي لما تتجوزي متجيبيش اولاد علشان مش تحتاري توديهم فين علشان تروحي الشغل زيي, عندها ولد 4 سنين وولد خمس شهور
دلوقتي بقي احب اعرف راي اباء وامهات المستقبل في هذا الموضوع وازاي هيتفادو الخطا ده مع اولادهم علشان يقدمو للمجتمع اولاد صالحين نفتخر بيهم.
__________________