للبنات اعرفى العريس المناسب من شخصيتك

انواع العرسان وانواع البنات و مين يناسب مين

اولا انواع البنات
النوع الاول : بنت روشة وستايل بادي كارينا وبنطلون ضيق موت وكعب عالي 12 سم
ومكياجات وبرفانات, احسن واحدة في الشلة, بتمشي تدلع كل الصبيان بيعاكسوها

النوع التاني : نص نص الهدوم واسعة شوية المكياج في المناسبات بس مشيتها عادية , متوسطة نوعا ما بتقلس على بنات النوع الاول

النوع التالت : بنت ملتزمة طحن الهدوم واسعة خالص خمار او عبايات مفيش مكياج عاقلة وكاملة وصوتها واطي اصحابها مش كتير واحدة او اتنين بالكتير

نيجي لانواع العرسان بقا
1-العريس الطيب اوي اوي
بيسمع الكلام , ينفذ ليكي كل طلباتك هدايا كتير , متنح ليكي ولازق فيكي 24 ساعة يتمنى تراب رجليكي عمره ما بيزعل منك ابدا يحب طلباتك الكتير وبينفذها غالبا يميل لبنات النوع الاول

بنات النوع الاول : فرصة نجاحك معاه 10 % ارفضيه من اول مقابلة
بنات النوع التاني : فرصة نجاحك معاه 40 % لو تعبتي من التفكير ارفضيه
بنات النوع التالت : فرصة نجاحك معاه 88% اتوكلي على الله هو ده

2- عريس طيب بس حويط
يسمع كلامك اه بس مش دايما يجيب هدايا بس مش عمال على بطال بيحبك اه بس بعقل
بيسامح كتير بس احيانا بيزعل

بنات النوع الاول : فرصة نجاحك معاه 40% بلاش ده هتزهقي منه بعد فترة
بنات الوع التاني : فرصة نجاحك معاه 90 % اوعي تضيعيه من ايدك يا بت
بنات النوع التالت :فرصة نجاحك معاه 75% انتي حرة
3- عريس شخصيته قوية اوي
دايما بيختار لنفسه بس ممكن يسمع رأيك كل حاجة بالحساب مش بيحب الخروج كتير
هيمشيكي ع العجين متلخبطهوش بيحبك اه بس مش بيظهر كده بيتقمص من اقل حاجة بس قلبه ابيض والله يميل لبنات النوع التالت بيبقى فاهم غلط على فكرة

بنات النوع الاول : فرصة نجاحك معاه 95% ده بتاعك انتي بس نادرا لما بيختار من النوع ده
بنات النوع التاني : 50% فكري كويس
بنات الوع التالت : 8% اعقلي يا بنت الناس مش سكتك ده

4 -عريس صعب جدا جدا جدا
مستحيل يسمع رأيك في اي حاجة لو خرجتو هيمشيكي وراه صوتك ما يتسمعش مش هتقدري تزعليه اصلا يصبحك بعلقة ويمسيكي بشتيمة

بنات النوع الاول : 65% ممكن يعجبك على فكرة
بنات النوع التاني : 10 % بلاش ده
بنات النوع التالت : 2 % امشي يا بت من هنا
منقول